பன்னாட்டு பஞ்சாயத்து

யுரேனியம் கதிர்வீச்சு (radioactive) மிக்க தனிமம் (element). இதை வைத்து ஆக்கப்பூர்வமாக ஆற்றலும் உற்பத்தி செய்யலாம் அழிவுப்பாதையில் அணு ஆயுதமும் செய்யலாம். இந்த யுரேனியம் இயற்கையில் தாது வடிவில் கிடைக்கிறது. இதனை தாது வடிவில் வைத்துக்கொண்டு ஒன்றும் செய்ய இயலாது. 

ஐசோடோப் என்றால் ஒரே தனிமத்தின் வேறு உருவம் என்று சொல்லலாம். ஒரு அணுக்கருவில் புரோட்டான்கள் & நியூட்ரான்கள் உள்ளன என்று உங்களுக்குத் தெரியும். ஒரு தனிமத்தில் நியூட்ரான்களின் எண்ணிக்கை வேறுவேறாக இருந்தால் அவை ஐசோடோப்புகள். ஹைட்ரஜன் அணுக்கருவில் ஒ1 புரோட்டான் தான் இருக்கும்.

 

அந்த புரோட்டானுடன் ஒரு நியூட்ரான் சேர்ந்திருந்தால் அது டியூட்டீரியம். இரண்டு நியூட்ரான்கள் சேர்ந்தால் ட்ரீட்டியம். சரியா? இதே மாதிரி யுரேனியத்திலும் இரண்டு ஐசோடோப்புகள் உள்ளன. ஒன்றில் 92 புரோட்டான்களும் 146 நியூட்ரான்களும் உள்ளன (92+146=238). இதை U238 என்று அழைப்பார்கள். இந்த 

   

U238 வகை யுரேனியத்தால் ஒரு பயனும் இல்லை. இன்னொரு யுரேனியம் (ஐசோடோப்) உள்ளது. அதில் 92 புரோட்டான்களும் 143 நியூட்ரான்களும் உள்ளன (92+143=235). இதை U235 என்று அழைப்பார்கள். இது தான் ஆற்றல் & அணு ஆயுதம் செய்ய பயன்படுத்தப்படுகிறது. U235 வை ஒரு நியூட்ரானை கொண்டு மோதினால் அளப்பரிய வெப்ப ஆற்றலும் 3 உபரி நியூட்ரான்களும் வெளிப்படும். அந்த உபரிகள் மற்ற U235 வை தாக்கி மேலும் அதிக வெப்ப ஆற்றலை வெளிப்படுத்தும். இதற்கு பெயர் தொடர்வினை (chain reaction).

   

இந்த தொடர்வினை மெதுவாக நடந்தால் அணு மின் நிலையம் அமைக்கலாம். கட்டுக்கடங்காமல் வேகமாக நடந்தால் அது அணுகுண்டு.

   

 ஆனால் தாது வடிவில் வெட்டி எடுக்கப்படும் யுரேனியம் எல்லாம் U238. இதில் வெறும் 0.7% தான் U235 என்ற "பயன்மிகு" யுரேனியம் உள்ளன. ஆகவே இதனை செறிவூட்டி (enrichment) 3 - 5% U235 இருக்குமாறு செய்வார்கள். சிலவற்றில் 20% U235 (& 80% U238) இருக்குமாறு செய்கிறார்கள். இதுக்கு மேல் செரிவு
அதிகமானால் தொடர்வினையை கட்டுப்படுத்த இயலாது. வெடித்துவிடும். இந்த செரிவூட்டலுக்கு மிக முக்கியமானது centrifuge எனப்படும் பொருள். எந்த நாடாவது இந்த பொருளை வைத்திருந்தாலோ பயன்படுத்தினாலோ மற்ற நாடுகள் எச்சரிக்கை அடைந்துவிடும். Centrifuge இருந்தாலே பதட்டத்திற்கு வழிவகுத்து விடும்.