விண்வெளி வீரர்கள் அணியும் ஆரஞ்சு நிற & வெண்ணிற உடை?

 விண்வெளி வீரர்கள் சில சமயங்களில் ஆரஞ்சு நிற விண்ணுடைகளையும் சில நேரங்களில் வெள்ளைநிற விண்ணுடைகளையும் அணிவதை கவனித்திருப்பீர்கள். காரணம் அவை இரண்டும் வெவ்வேறு நோக்கங்களுக்காக வடிவமைக்கப்பட்டவை. 

 

Images: NASA

ஒன்று விண்கலம் ஏவும்போதும் தரையிறங்கும் போதும் அணியும் விண்ணுடை - Advanced Crew Escape Suit (ACES). இன்னொன்று விண்வெளியில் இருக்கும் போதும் அங்கு விண்ணடை (space walk) பயிலும் போதும் அணியும் விண்ணுடை - Extravehicular Activity (EVA) suit.

  

Image: Adam Savage’s Tested

ACES என்ற ஆரஞ்சு நிற விண்ணுடைகள் புவியிலிருந்து (/ கோள்களிலிருந்து) விண்வெளிக்குச் செல்லும் போதும் அல்லது விண்வெளியிலிருந்து புவிக்குத் (/கோள்களுக்குத்) திரும்பும் போது அணிவது ஆகும். விபத்தின் போது எளிதாக தப்பித்துக் கொள்ள ஏதுவாக வடிவமைக்கப்பட்டுள்ளன.

 

விபத்து ஏற்பட்டு கடலில் விழுந்தால் ஆரஞ்சு நிறம் மீட்புக் குழுவினரின் கண்களுக்கு எளிதாகப் புலப்படும். ACES விண்ணுடையில் பாராசூட் அதனை இயக்கும் கயிறு, பாராசூட்டில் சிக்கக்கொண்டால் அதனை கிழிக்கக் கத்தி, உடைக்குப் பின்புறம் காற்றுப்படகு ஆகியவை பொருத்தப்பட்டிருக்கும்.

  

ACES ல் சில மாத்திரைகள், விளக்குகள், கையுறைகள் ஆகியன வைக்கப்பட்டருக்கும். ஆனால் இந்த ஆரஞ்சு வண்ணம் இடையில் வந்தது தான். ஆரம்பத்தில் ACESம் வெள்ளை நிறத்தில் தான் இருந்தன. 2020ம் ஆண்டில் SpaceX நிறுவனம் வெள்ளை / சாம்பல் நிறத்திற்கு மாறவிட்டது.  

    

ஆனால் EVA என்ற வெள்ளை விண்ணுடை விண்வெளியில் இருப்பதற்கேற்ப தடியாக இருக்கும். அடர்கதிர்வீச்சையும் வெப்பத்தையும் தாங்கும் வகையிலும் அவற்றை எதிரொளிக்கும் வகையிலும் இருக்கும். மேலும் இருண்ட விண்வெளியில் வெள்ளை விண்ணுடையை எளிதாக அடையாளம் காணலாம். இவை விண்ணடை பயிலவும் ஏதுவாக இருக்கும்.

 

மேலும் EVA ல் வீரர்களின் உடலைப் பாதுகாக்க நீர் குளிர்விப்பான் (water cooling system) மற்றும் 6 மணி நேரத்திற்கான குடிநீர் ஆகியன வைக்கப்பட்டிருக்கும். அத்துடன் ஆக்சிஜன் உருளை, மின்கலம் (battery) & தகவல் தொடர்பு சாதனங்களும் பொருத்தப்பட்டிருக்கும்.