CMB - Cosmic Microwave Background...
பெல் ஆய்வகத்தைச் சார்ந்த ஆர்னோஸ் பென்ஸயாஸ் & ராபர்ட் வில்சன் ஆகியோர் 1941ல் பெரிய ரேடியோ டெலஸ்கோப்பை வைத்து பலூன் துனைக்கோளில் இருந்து வரும் சமிக்ஞைகளை (signal)ஆராய்ச்சி செய்தனர். அதில் ஏதோ ஒரு இடையூறு - Signal Noise - நிகழ, அவை அருகிலுள்ள வானொலி நிலையங்களில் இருந்து வந்த ரேடியோ அலைகளாக இருக்கலாம் என்று எண்ணி, அவற்றை நீக்கினர் (suppressed). அப்பொழுதும் அந்த இடையூறு அலைகள் போகவில்லை. உடனே இருவரும் அவை டிஷ் ஆண்டெனாவில் பறவைகளின் எச்சங்கள் காரணமாக இருக்கலாம் என்று எண்ணி, தாங்களாகவே துடப்பக்கட்டையை எடுத்து சுத்தம் செய்தனர். அப்படியும் அந்த இடையூறு குறைந்த பாடில்லை. என்னடா இது? என்று குழம்பிக் கொண்டிருந்தனர்.
அதே நேரத்தில் ராபர்ட் டிக்கே, பீபிள்ஸ் & டிக்கின்சன் ஆகிய மூவரும் பெருவெடிப்பின் (Big Bang) போது அது பருப்பொருட்களை (matter) மட்டும் சிதறடித்திருக்காது, அவற்றுடன் அப்போது உருவான
கதிர்வீச்சுகளையும் (radiation) சிதறடித்திருக்க வேண்டும். அந்த கதிர்வீச்சுகளை அதி உணர்விகள் (antenna) மூலம் நாம் காணலாம் என்று அனுமானித்தனர்.
இந்த விசயத்தை பெர்னார்ட் பர்க் என்ற பேராசிரியர் நமது பென்ஸயாஸ் & வில்சன் காதில் போட்டு வைக்க, அப்போது தான் தாங்கள் ஒரு மிகப்பெரிய உண்மையை கண்டுபிடித்திருப்பதை உணர்ந்தனர். அவர்கள் அந்த இடையூறு அலைகளை ஆழ்ந்து கவனித்த போது ராபர்ட் டிக்கே சொன்னது சரி தான் - இவை ஆரம்பத்தில் பெருவெடிப்பின் போது 380,000 ஆண்டுகள் கழி்த்து உருவான கதிர்வீச்சு என்பதை உறுதிசெய்தனர். அதனை வைத்து நம் அண்டத்தின் அமைப்பை கண்டுபிடித்தனர்.
இந்த CMB பெரும்பாலும் எல்லா ரேடியோ ஆண்டெனாவிலும் வரும். அதனை நீங்கள் பார்க்க வேண்டுமா? ஈசி. உங்கள் தொலைக்காட்சியை ஆன் செய்தால் புள்ளி புள்ளியாகத் தோன்றுமல்லவா? அவை தான் CMB - அதாவது பெருவெடிப்பிற்கு பின் ஏற்பட்ட கதிர்வீச்சைத் தான் நீங்கள் உங்கள் தொ.கா. பெட்டியில் பார்க்கிறீர்கள். Analog TVயில் தெரியும் புள்ளகளில் 1% CMB தான்.
இதனை கண்டுபிடித்ததற்காக பென்ஸியாஸ் & வில்சனுக்கு 1978ல் நோபல் பரிசு கிடைத்தது. ஆனால் இந்த CMBஐ அனுமானித்தஅந்த மூவருக்கு ஒன்றும் கிடைக்கவில்லை என்பது சிறு சோகம்.
கருத்துகள்
கருத்துரையிடுக