நாட்டிய மேம்பாலம் (Design Failures)

 2000ம் ஆண்டு ஜூன் 10... லண்டன் தேம்ஸ் ஆற்றங்கரை விழாக்கோலம் கொண்டிருந்தது. கோபுர பாலங்கள் என்ற Tower Bridge கட்டப்பட்டுக் கிட்டத்தட்ட 106 ஆண்டுகளுக்குப் பின் தேம்ஸ் ஆற்றின் குறுக்கே கட்டப்பட்டுள்ள முதல் பாலத்தின் திறப்புவிழா. 21ம் நூற்றாண்டின் புத்தம் புதிய தொழில்நுட்பத்தை கொண்டு கட்டப்பட்ட இந்த பாலத்தின் பெயர் மில்லன்னியம் பாலம் (Millennium Bridge). புகழ்பெற்ற சர். ஆண்டனி கேரோ தான் இதன் கட்டட வடிவமைப்மைபாளர். அவருடன் உலகப்புகழ் பெற்ற வடிவமைப்பு நிறுவனங்கள் சேர்ந்து இதனை வடிவமைத்தது.

“மற்ற பாலங்களை போல் உயரமாக அல்லாது ப்ளேடை போல தடிமன்ற்ற எடை குறைந்த (blade of light) பாலம். இதுவரை வரலாற்றில் இல்லாத இந்த நூற்றாண்டின் இணையற்ற டிசைன்” என்றனர் அதன் வடிவமைப்பாளர்கள்.

  

பொதுவாக 6 வகையான பாலங்கள் கட்டப்படுவது வழக்கம். நீரினுள் தூண்களை இறக்கி அதனிடையே பாலங்கள் அமைப்பது பண்டையமுறை. ஓடை இடையே கற்களால் வளைவு (arch) அமைத்து பாலங்கள் அமைப்பதும் பழைய முறைதான். கிமு 1200ல் க்ரீசில் கட்டப்பட்ட பாலம் தான் நமக்குக் கிடைத்த பழைமையானது. 

  

(Img: Old Bridges)

ஸ்டீல் வந்தபின் arch வகை பாலங்கள் மேம்படுத்தப்பட்டன. அதன்பின் truss & cantilever பாலங்கள் வந்தன. ஸ்டீல் கயிறு வந்தபின் தொங்கு பாலங்கள் & cable stay பாலங்கள் வந்தன. எல்லா பாலங்களையும் பாருங்கள். பாலத்தின் நீளம் அதிகமாகும் போது உயரமும் அதிகமாக இருக்கும். 

 

(Image: Kanav Bridge Physics )

ஆகவே தான் சர். ஆண்டணி கேரோ blade of light என்ற மெல்லிய தடிமனுடைய பாலத்தை பெருமதத்துடன் அறிவித்தார். 18 மில்லியன் பவுண்டு (170கோடி ரூ.) செலவில் மிகப் புகழ்பெற்ற கட்டுமான நிறுவனங்கள் இதனைக் கட்டிமுடித்தன. திறப்புவிழாவில் மக்கள் ஆராவராத்துடன் அந்த பாலத்தில் நடக்கக் காத்திருந்தனர்.

  

பாலம் திறக்கப்பட்டது. மக்கள் அதன் மீது நடக்க ஆரம்பித்தது தான் தாமதம். அனைவரும் குடிகாரர்களைப் போல தள்ளாட ஆரம்பித்தனர். காரணம் அந்த பாலம் இடது வலதாக ஆட்டம் காண ஆரம்பித்தது (காணொலி). Video: YouTube - mdepablo

பாலத்தை அதன்மீது விழும் எடையினால் (gravity load) இடிந்து கீழே விழாதிருக்க பலமாக இருக்க வடிவமைத்தவர்கள், பக்கவாட்டை பலமாக்கத் (lateral rigidity) தவறிவிட்டனர். மிகவும் அவமானகரமாகப் போனவுடன் அந்த பாலத்தை மூடி dampeners என்ற அதிர்வுறிஞ்சிகளை வைக்கத் திட்டமிட்டனர். 
பாலத்தில் ஒருவகை அதிர்வுறிஞ்சி, பாலத்தை கரையோடு சேர்த்து ஒருவகை, பாதையின் பக்கவாட்டில் இன்னொரு வகை என்று 5 வகை அதிர்வுறஞ்சிகளை ஆங்காங்கே அமைத்து அந்த பாலத்தை 2002, பிப்ரவரி 22ல் மீண்டும் துவங்கினர்.