ஃபூகோ ஊசல் (Foucault pendulum)
புவி உண்மையில் சுழல்கிறதா என்று நாம் ஐயம் கொள்ளத் தேவையில்லை. விண்வெளி சென்று அங்கிருந்து புவி சுழல்வதை பார்த்து உறுதி செய்துகொள்ளலாம். அந்த காலத்தில்? இரவு பகல் என மாறி மாறி வருகிறது என்பதை வைத்து மறைமுகமாக அறிந்தாலும், நேரடிச் சான்று இல்லையே?
ஒரு எடையை கயிற்றில் கட்டிக் கொள்ளுங்கள். (அல்லது கணினி மவுசின் வயரை பிடித்துக்கொள்ளுங்கள்.) கையை நீட்டி தூரமாக அதை பிடித்துக் கொள்ளுங்கள். இப்போது அந்த எடையை (bob) ஆட்டிவிடுங்கள் (oscillate). அது ஒரு திசையில் ஊசலாடிக் கொண்டிருக்கும். அந்த ஊசலாடும் திசையை குறித்துக்கொள்ளவும்.
இப்போது ஊசலை நகர்த்தாமல் நீங்கள் மட்டும் ஒரு வட்டப் பாதையில் சுற்றி வாருங்கள் (படத்தில் உள்ளது போல). அந்த ஊசலை கவனித்தால் அது எந்த திசையில் ஊசலாடியதோ அதே திசையில் தான் ஆடிக் கொண்டிருக்கும். நீங்கள் சுற்றிக் கொண்டிருக்கும் திசையில் உங்களுடன் வராது. இதை வைத்து தான் ஃபூகோ புவி சுழல்வதை நிரூபித்தார்.
1851ம் ஆண்டு... பாரிசு நகரின் பேன்த்தயானில் (Panthéon) 28 கிலோ எடையை 67 மீட்டர் நீள கம்பியில் கட்டி அதனை ஊசலாடச் செய்து புவி சுழல்வதை மக்களுக்கு நேரடியாக நிரூபித்தார். ஒரு பலகையில் மணலை நிரப்பி அந்த எடை மணலில் லேசாக படுமாறு அமைத்தார். எடை ஊசலாடும் போது மணலின் கோடு போட்டே செல்லும்.
புவி சுழன்றாலும் ஊசல் அது ஆடும் திசையை மாற்றாது. சிறிது காலம் கழித்து மணல் முழுக்க கோடாக இருக்கும். இந்த gifஐ பாருங்கள். ஊசலின் ஆட்டம் நம் திறன்பேசியின் திரையின் தளத்தின் பக்கமாக தான் மாறாமல் இருக்கும். புவி அது பாட்டுக்கு சுழன்று கொண்டிருக்கும்.
Umberto Eco என்ற எழுத்தாளர் Foucault pendulum என்ற நகைச்சுவை நாவல் (1988) உலகப் புகழ்பெற்றது. டாவின்சி கோட் -ன் freemasonry ஐ போல இந்த நாவல் knight templar என்ற secret societyயுடன் கதை போகும். அதில் இந்த ஃபகோ ஊசலுக்கு மந்திர சக்தி இருப்பது போல நகைச்சுவையுடன் கதை நகரும்.
கருத்துகள்
கருத்துரையிடுக