நிரந்தர நண்பனும் இல்லை... நிரந்தரப் பகைவனும் இல்லை...
Game Theory
நல்ல புத்தகம்... இதை படிக்க கணிதம் தெரியத் தேவையில்லை.
பொருளாதாரத் திட்டங்கள்,
அரசியல் சதுரங்கங்கள், நாடுகள் / வணிகம் ஒப்பந்தங்கள், விளையாட்டு உத்திகள் ஆகியவற்றில்...
எலி-பூனை ஓட்டங்கள் , குள்ளநரி தந்திரங்கள், புலி - மான் வேட்டைகள் ஆகியவற்றிற்கு அச்சாணி தான் இது.
ஜான் நேஷ் இதற்காக 1994ல் பொருளாதாரத்திற்கான நோபல் பரிசு வாங்கினார். (2015ல் ஏபல் பரிசு கொடுக்கப்பட்டது).
எதிராளி எப்படி எல்லாம் முடிவெடுப்பார்(கள்) என்ற அரைகுறைத் தரவுகளோடு நாம் எந்த முடிவு எடுத்தால் வெற்றி பெறலாம் அல்லது குறைந்தபட்சம் பிழைக்கவாவது செய்யலாம் என்று கணிக்கும் முறை தான் இது.
"எனக்கு எதிராளியின் உக்தி பற்றி என்ன தெரியும்?"
"எனக்கு எதிராளியை பற்றி எவ்வளவு தெரியும் என்பது, அந்த எதிராளிக்கு எவ்வளவு தெரியும்?"
"எனக்கு எதிராளியை பற்றி எவ்வளவு தெரியும் என்பதை, அந்த எதிராளி அறிந்து கொண்டதை நான் அறிவேன் என்பதை அவர் எவ்வளவு தூரம் அறிவார்? "
இப்படி அடுக்கடுக்கான தகவல் / தரவுகள். இவற்றை வைத்து தன் அணுகுமுறைகளை (startegies) அமைத்துக் கொள்வது தான் இன்றைய வணிகம், அரசியல், விளையாட்டு ஆகியன.
விலங்கினங்கிடையே நிகழும் பிழைத்திருப்பதற்கான
போட்டிகளும் இதில் அடக்கம் - Evolutionary Stability & Equilibrium.
பகை விலங்கினங்கள் தமக்கான பிழைப்பிற்கு (வளப் பற்றாக்குறை) பாதகமில்லை எனில் எதிராளியை தாக்கவோ அழிக்கவோ செய்யாதாம். சிறிது காலத்தில் வளப்பற்றாக்குறை நிகழும் போது அவை மூர்க்கமாக மாறிவிடும்.
அந்த ஆக்ரோஷப் போட்டியில் ஒரு பிரிவு கடுமையாக பலமிழந்த பின் வலிமையான விலங்குகளின் மூர்க்கத்தனம் குறைந்துவிடும்.
வணிக உலகில், விளையாட்டு அரங்கில், அரசியல் சதுரங்க ஆட்டத்தில் நிரந்தர நண்பனும் இல்லை... நிரந்தர எதிரியும் இல்லை...
எல்லாமே Game Theory தான்...
கருத்துகள்
கருத்துரையிடுக